Posts categorized as "myutsawkasa.blogbaker.com"

Myen Auya Dap A Mahkam Kaba

mmexport1456457653209.jpgMung shawa Pat Jasan hpung hpe hkap gap gasat ai hta BGF dap ni asan sha shang lawm nga sai lam P.T.Ts hpyen hking hte hkrak re hpyen la langai hpe Pat Jasan hpung ni lu kamu rim da sai re. Ya na zawn Pang Wa P.T.Ts dap kawn Pat Jasan hpung ni hpe hkap gasat na matu P.TTs hpyen la (1) hpe ta lang Kai Lang Bom (2) hpra, pala kaji (160) hpra htuk da ya ai re lam na chye lu ai. Ya na zawn laknak n'lang ai mung masha Pat Jasan hpung hpe sinat laknak Bom ni hte hkap gasat ai lam gaw Mung shawa a hpyen majing rai nga ai.

Ndai lam gaw myen asuya a mahkam kaba rai nga ai, kade nna yang BGF hte P.T.Ts dap ni hpe mara kaba shagun nna yawng dawm zing kau na matu myen asuya gaw hkyen shajin nga sai lam na chye lu ai. BGF hte P.T.Ts dap ni hpe ma hkra laknak dawm kau nna Pang Wa ginra ma hkra hpe myen hpyen ni hkrai yawng madu sha kau na matu PJS hpung ni hpe myen asuya gaw jai lang nga masai. Pang Wa BGF hte P.T.Ts ni a prat gaw ndai kaw htum sai. KIA hpyen dap hpe lawan shaga bang nna shara la kau yang gaw anhte naw up hkang lu n re.

Wunpawng sha ni galoi she Myen a mahkam hta na lawt lu na kun..........? 

Myitkyina Muklum Kaw P.T.Ts, BGF N'ra Sharawng Ai Lam Hte Pat Jasat Masing Hpe Shim Lam N'la Ya Ai Myen Hpyen Dap Hpe Nighkap N'gun Madun Poi Galaw

1618565_657773921029564_7870710013937819568_n.jpg25/ 2/ 2016 ya shani Sadung ginra, Pang Wa ginra ni de ka-ni sun ni hpe hkyen jasan na matu lung wa ai Mung Shawa Pat Jasan Hpung ni hpe Pang Wa ginra P.T.Ts dap hte BGF dap, kani sun madu ni kawn shara lahkawng kaw sinat laknak, Bom ni hte hkap gap gasat ai majaw hkala hkrum ai ap-nawng mung masha marai (30) kaw na marai (13) Myit kyina Mung Shawa Tsi Rung de du wa sai lam, kaga ngam ai ni rai n'du shi ai lam na chye lu ai.

Dai na de hkala hkrum ai Pat Jasan na ap-nawng ni Myitkyina Tsi Rung de du wa ai ten 5:00pm kawn Myitkyina muklum kata na mung mare masha marai (600) jan gaw Tsi Rung shang kaw P.T.Ts, BGF hpe n'ra sharawng ai lam, shim lam n'la ya ai, PJS masing hpe hkum pat ai myen hpyen dap hpe ninghkap n'gun madun ai lamang hpe shana 6:30pm ten du hkra galaw nga ai lam na chye lu ai. Masha N'gun jat nga dingyang re lam na chye lu ai.

P.T.Ts Hte Ka-ni Sun Madu Ni Hkap Gap Ai majaw Mung Shawa Pat Jasan Hpung Na Ap-Nawng Mung Masha Marai (29) Hkala Hkrum Sai

12744517_188647624834310_4776382212170034976_n.jpgMung shawa Pat Jasan hpung ni hpe P.T.Ts + BGF + Ka-ni sun madu ni sinat laknak, Bawm ni hte hkap gasat ai majaw hkala hkrum ai Pat Jasan hpung na ap nawng masha marai (29) rai mat sai lam shiga na chye lu ai. Ya na zawn tinang tinggyeng lu lawm lam hpe sha yu nna masha daw wa daw tsa si htum wa na hpe hpa zawn n'nawn ai Tsa Dan myit rawng ai Ka-ni sun madu ni hte Pang Wa P.T.Ts, BGF ni yawng gaw Karai Kasang a dagam ai hkrum wa mai nga ai.....htawm hpang kashu kasha prat ban du hkra dai dagam dala gaw hkan nang wa chye nga ai, lawan myit malai nna PJS bungli hta shang lawm madi shadaw yang gaw mara hkyam sa lawt lu lam naw nga ai.

Kaja wa nga yang Myen asuya gaw ya na zawn Wunpawng amyu shada mang hkang hpe shawng shabyin nna mang hkang kaba wa jang shi bai shang hparan masu rai let, dai ga baw hte P.T.Ts hte BGF ni yawng hpe mara kaba shagun nna laknak ma hkra hpyu zing la kau na matu rai nga ai. Dai majaw 24/ 2/ 2016 ya shani na Naypyidaw Rap Daw zuphpawng kaw nan tau hkrau ndau dat sai. Ka-ni hte nang hpam hpe pat hkum shingdang ai ni ma hkra hpe "Dabung" (lang Su hpung) ngu nna masat sa wa na lam, daw dan dat masai.

Dai lam gaw Pang Wa ginra na P.T.Ts hte BGF ni yawng hpe kalang lata mara kaba shagun nna ma hkra laknak zing dawm la kau na matu tau hkyen lajang ai lam rai nga ai. Dai majaw 24/ 2/ 2016 ya shani lawu mung de na laksan hpyen gasat dap n-gun (300) gaw PJS shim lam ga baw hte Jinghpaw Mung de du taw nga masai. Ndai zawn myen a maw lanyet ai hpajii hpe n'chye na, n'hkawn hkrang ai PT.Ts hte BGF ni gaw myen hpyen dap a jai lang ai hkrum taw nga masai. Grai yawn hpa she rai mat sai.....

Wunpawng amyu sha ni yawng Myen a masu hkalem, maw lanyet ai mahkam dawng gawng kata na lawan lawt wa sanu ga law..........Lawu de na sumla ni gaw hkala hkrum ai PJS Ap-nawng myit rum ni re......

Unwillingness Coordination Of Burmese Military On Anti-drug Operating Mission In Kachin State Have Created The Great Barrier Between Kachin Civilians And Burmese Government To Build Trust And Unity

12742435_224205791255380_6294074077439602322_n.jpgIt has been six days civilian-based anti-drug operating mission is being blocked by Burmese military on the way to Kampaiti. Unwillingness coordination of Burmese Military and unreasonable blockade on anti-drug operating mission make Kachin civilian-based anti-drug activists angry and left series of questions. Combined Kachin civilian-based anti-drug operating mission have proceeded and made much progress since January 2016, led by Church leaders and Pastors. But, yet to be accomplished where there are still ten thousands hectares of opium poppy firms to be destroyed within Kachin state. Though state government is much more responsible on this mission, government shows less interest and neglected, at the same time, government imposed many restrictions by giving nonsense-reasons and tried to delay this mission as wanting to be stopped. According to local resources, most of opium firm workers and producers are getting full financial supports from Chinese citizens who are from China. But, Chinese government seems to be ignorant. 

Majan Shiga

12227182_139971973029455_719845725401605266_n.jpg20/ 2/ 2016 ya shani 2:00pm kawn 2:40pm laman KIA Dap Dung (2) ginra, Kong Mu Leng kaw shara jahkat nga ai Kogang MNDAA hpyen dap hpe myen asuya dap Mi-35 Helicopter (2) hte laja lana wa htim gap ai lam shiga na chye lu ai.

KIA Dung (36) Ni Hte Myen Hpyen Ni Gasat Poi Byin

11781831_138712113131227_3603284573543413313_n.jpg19/ 2/ 2016 ya shani KIA Masat (6) Dap Ba, Masat (36) Dap Dung ginra, Nam Tau hte Mung Baw lapran, Bang Hka lam she kaw tinang KIA Dung (36) Kung (5) na hpyen hpung hte myen hpyen dap Tat.M-(99) npu na hpyen hpung ni 6:00pm kawn 6:30pm lapran gasat poi byin ai lam na chye lu ai. Myen hpyen hpung ni tinang KIA ni hkap ai maga hku n'pru wa ai kaga lam hku rai mat wa ai hpe tinang KIA ni hpang hku nna hkan shachyut gap ai hta myen dap ni sum machyi law ai hte dumbri dumbra ayai aya rai hprawng htaw mat wa ai lam na chye lu ai. 7:00pm ten daram hta myen hpyen ni Hutau mare de du shang mat sai lam na chye lu ai. 

Kachin Civilians-Based Anti-drug Mission Troops Are Unreasonably Blocked By Burmese Military

12710857_220534931626692_7497972784063467899_o.jpgUnwillingness of Burmese Military’s coordination and unreasonable blockade on anti-drug operating mission make Kachin civilian-based antidrug-volunteers angry and left series of questions. Combined Kachin civilian-based anti-drug operating mission have proceeded and made much progress since January 2016. But, yet to be accomplished where there are still ten thousands hectares of opium poppy firms to be destroyed within Kachin state. Though state government is much more responsible on this mission, government shows less interest and neglected, at the same time, government imposed many restrictions by giving nonsense-reasons and tried to delay this mission as wanting to be stopped.

Myen Hpyen Dap TNLA Dap Hpe Jet Nbungli Hte Htim Gasat

11038254_448960955267748_2986388792322922271_n.jpg17/ 2/ 2016 ya shani KIA Masat (4) Dap Ba, Dap Dung (8) ginra, Bangmu Hkyet kaw jahpawt 8:00am kaw nna TNLA hpyen hpung ni hte Myen hpyen ni gasat poi byin hpang ai hta 4:00pm daram hta myen hpyen dap Jet Fighter (2) hte wa htim gap garum ai lam na chye lu ai. Gasat poi gaw shana de daw 5:40pm daram du hkra sinat naw ngoi nga ai re lam na chye lu ai.

Myen hpyen ni ndai laman lahta Sam Mung, Kachin Sub-state ginra de hpyen n-gun grau grau jat wa nna gasat poi ni mung grau grau laja wa nga ai lam na chye lu ai.

Mung Masha Ka-ni Nang Hpam Pat Jasan Hpung Hpe Myen Hpyen Dap Pat Hkum Shingdang

12742435_224205791255380_6294074077439602322_n.jpg16/2/2016 ya shani rawt wa ai Mung masha Ka-ni Labu Pan Pat Jasan hpung n-gun 1400 hpe Myen asuya hpyen dap gaw Kampaiti lam Dumdang Mahkrai kaw hkap pat shingdang taw ai majaw 17/2/2016 ya shani du hkra dai shara kaw naw nga nga ma ai lam shiga na chye lu ai. Ntsa na matsun re nga nna myen hpyen dap ni ya du hkra n'shalai shi ai re lam na chye lu ai. 

Ya na zawn Sadung, Kampaiti, Pang Wa ginra ni hta hkai shatut da ai Ka-ni sun malawng maga gaw Miwa Mung kata na Miwa lauban ni gumhpraw arang kaba shaw nna hkai shagun ai re lam na chye lu ai. Miwa asuya gaw ya na zawn anhte mungdan kata de shi mungdan na mung chying masha ni tara n'shang ai hpaga sa galaw ai lam ni hpe chye nga ninglen n'chye masu su ai lam gaw anhte mungdan hpe jahten shaza mayu ai myit jasat re ngu hkam la mai nga ai. 

Myen Asuya hku nna mung ya na zawn Mung Masha Pat Jasan hpung hpe hkap pat shaingdang ai lam gaw anhte Jinghpaw Wunpawng ni hpe sha n'rai, mungkan ting hpe nan ninghkap nga ai hte bung nga ai. 

Myen Hpyen Dap Nbungli Hkrat Kapaw Nna Myen Du (3) Si, Tsa Zen (2) Si

702B36D6-AD77-4287-8527-79941F26A71C_mw1345_mh566_s.jpgMyen Hpyen Dap Nbungli hkrat kapaw nna Myen Du (3) hte Tsa Zen (2) si ai nga na ai majaw yup pyi she n'chye mat hkra kabu kau sai, mara lu sana kun i.......naw she hpaji jaw la marit law.........Myen Du Kaba (1), Du Jum (2), hte Tsa Zen (2), yawng marai (5) tup si mat ai nga na ai law.......Gasat hkat yang dai daram kalang lata Myen Du ni hpe lu gap sat na matu n'loi nga ai......ya gaw gap mung n'ra shi hkrai shi hkrat kapaw si mat. Si mat ai Myen Du ni a mying hpe lawu de myen laika hte VOA kawn shapoi da ai hpe bai mara dat ai, yawng n'gun la, chyeju shakawn ga. Myen ndai ni yahte lahta Sam Mung "Nam" San mare hpe wan nat jahten sai ngu jang ya chyau katut sha sai nga.

KIA Dap Dung (14) Ginra Kaw Gasat Poi Byin

1506773_630204060393130_435159037350399735_n.jpg15/1/2016 ya jahpawt daw 8:00am-10:00am laman hta Hugawng Danai, KIA Masat (2) Dap Ba, Masat (14) Dap Dung ginra, "Htang Bra" hkau na pa kaw Pat "Payin" htu nga ai mung masha ni hpe n'htu na matu tinang KIA hpyen hpung ni sa tsun, matut shanang ai ni hpe rim ahkyak la na matu sa wa ai tinang KIA hpyen hpung ni hpe Myen hpyen ni hkan shachyut ai majaw koi yen mat, shara (2) ram yen kau ya tim myen hpeyn ni naw hkan shachyut ai majaw tinang KIA hpyen hpung ni hku nna hkap shingla ai gasat poi byin ai lam na chye lu ai. Tinang KIA maga na kadai hpa n'ra ai lam, myen dap maga na si hkala shi ga rai n'chye shi ai.

KIA Dap Dung (2) Kaw Majan Byin

12109039_884336028329218_3837671686326921516_n.jpg12/ 1/ 2015 ya shani KIA Masat (4) Dap Ba, Masat (2) Dap Dung ginra, Hu Bung Bum tinang KIA Post hpe mying n'chye shi ai myen hpyen hpung ni wa htim gasat ai majaw laja lana gasat poi byin ai hta tinang KIA maga na Myu Tsaw (1) Mungdan hte Amyu sha ni a matu asak ap nawng mat sai lam shiga na chye lu ai. Myen hpyen ni KIA post hpe n'lu gasat la ai sha hkala nba law ai hte bai htingnut mat sai lam mung matut na chye lu ai.

Myen Hpyen Dap TNLA Hpe Jet Nbungli Hte Bai Wa Gasat, Majan Grau Grau Laja Wa Nga

Capture01.PNG

KIA Dap A Htim Gasat Hpyen Zai Ladat

Ndai hta shayawm nna ka jang gaw n'teng ai shiga tai mat na tsang ai, dai majaw re hte maren teng ai hku ka dat ai. Kam yang kam n'kam tim hpa hkum tsun........
SSA hte gap hkat ai kaw hkrat sum ai myen jahpan rai n'bang ai........Capture.PNG

Myen Asuya A Htinggrum Hpyen Zai Ladat Kaba

12243055_203921469939871_7451063561730481326_n.jpgMyen asuya gaw NCA hte seng nna bawng ban hpawng hta AA, TNLA, MNDAA ni hpe n'bang la ai lam gaw kaba dik ai hpyen zai ladat rai nga ai, da-sang ngam da ai lam rai nga ai. Yaw shada lam gaw: (1) NLD lama na ra lata poi dang mat yang Arna lawan n'kam ap ai majaw, (2) UWSA, KIA hte kaga rawt malan hpung ni hpe n-gun kaba hte shamyit kau lu na matu, (3) NLAD mung dang, Majan mung dang, Miwa hpe mung shingdu gayin kau lu, Sinna Dan ni a garum ningtum mung lu, rai na matu rai nga ai.

Lai wa sai Bat hta Min Aung Line wa tsun lai wa sai lam gaw: "Mungdan kata mung chying masha baw-sang ni a lapran na n'hkrum n'ra ai laknak lang manghkang sha n'lu shazim kau dingsa gaw Mung Chying Rapdaw Asuya (NLD) ni hpe Arna n'lu ap ya shi ai" nga nna tsun lai wa sai. Dai lam gaw npawt ndung hkren asan sha mu mada nga sai, kaga rawt malan hpung ni hte NCA ta masat ka kau tim TNLA, AA, MNDAA ni hpe naw ngam da nna dai hpung ni hte majan naw gasat nga na, mang hkang naw shabyin taw nga nna hpyen dap Arna hpe naw jum manat da na matu rai nga ai.

Dai ladaw laman hta Awng San Kaw a mying hpe jai lang nna Sinna Mungdan ni de garum hpyi na, USA kaw na laknak mari la nna rawt malan hpung ni hpe gasat kau na, dai hta, KIA hte kaga Rawt malan hpung (11) NCA ta masat rai n'ka ai lam gaw myen wa a matu ahkaw ahkang kaba zawn byin nga ai. Shi gran da ai masing hte maren byin wa nga ai hpe grai kabu nga ai. Awng San kaw hpe nga shat shatai nna Sinna Dan de nga dawn na ladat rai nga ai.

Min Aung Line wa tsun mat wa ai ga langai hpang langai hpe dinglik yu ai shaloi dai lam ni yawng asan sha mu mada lu nga ai, lai wa sai bat hta sha shi tsun lai wa ai lam gaw: "USA hku nna laknak ni dut ya na she rai yang, jai lang manu jang mari na" nga nna Media ni a man e tsun shabrawng dat nu ai......Dai lam ni gaw mi kaw nna shanhte gran da ai masing hte maren sha rai nga ai. Awng San Kaw hte NLD hpe shadang da nna Majan naw gasat na, Arna gau ngwi ngwi, mungdan daw hte daw di nna ap mat wa na. Majan mung dang, Miwa mung hprang, myi man mung lu, rai na matu rai nga ai..........

Dai majaw meyn asuya gaw Awng San Kaw hte NLD ni dang ai hpe grai mani nna kabu kara hkap tau la nga ma ai.......Awng San Kaw hte kata lam myit hkrum da ai lam nga ai majaw mung rai nga ai, dai lam gaw grai dan dawng nga ai, KIA Dap Ba (8) majan hte seng nna Awng San Kaw hpa n'shaga ai, SSA/SSPP majan hte seng nna hpa n'shaga ai, azim sha nga ai, ndai lam ni gaw shanhte a kata lam masing hpe grau grau dan dawng shangun nga sai........Dai majaw, KIO/KIA hte kaga rawt malan hpung ni myit jahkrum la nna lama ma ndau dat ra sai......ra wa yang hpyen masa jawm pawng nna shamu shamawt ai lam galaw lu hkra lawan dik ai hku hkyen da ra sai ngu mu mada ai.

Myen a masu magaw kaw nna lawan lawt ai amyu tai wa u ga law.........

Myen Hpyen Nbungli Mi-35 KIA Gap Jahkrat Ai N're

11002496_709245989195739_2979713296996193448_n.jpgLai wa sai 16/ 11/ 2015 ya shani Mohnyin KIA Masat (8) Dap Ba daju hpe sa gap ai myen asuya a hpyen gasat nbungli Mi-35 gaw tinang KIA Dap ni gap jahkrat ai n're lam, shi hkrai shi kapaw nna hkrat mat ai she re lam, Nawku Jawng gap ayai kau ya ai hpang bai gayin gap na matu gayin nhtabg wa ai shaloi lamu ntsa kaw nbungli Rocket langai kapaw wa nna Mohnyin Namma mare makau kaw wa hkat mat ai she re lam na chye lu ai. Maga mi hku yu ga nga yang Nawku Jawng wa gap ai majaw Karai Kasang pawt nna Lamu Kasa ni nan kapaw jahkrat kau ya ai re ngu mai tsun nga ai.

Ndai lam gaw laklai ai mabyin rai nga ai, naw hkrung ai nbungli gau Pilot langai tsun ai gaw "Anhte Nbungli rai n'hkrat shi yang singkaw tu ai, masha zawn san ai langai nbungli shawng hku pyen lai wa ai, U mung n're, dai hpang nbubgli hta kapaw ai nsen na dat ai hte rau nbungli n'mai hkang mat ai" ngu nna ntsa tsang ni san jep ai shaloi tang madun ai lam na chye lu ai.

Theme: Fresh Print by BlogBaker. Powered by BlogBaker.