Posts categorized as "myutsawkasa.blogbaker.com"

KIA Dap Ba (8) Majan Shiga Ginchyum

11038254_448960955267748_2986388792322922271_n.jpg16/ 11/ 2015 ya shani 2:00pm ten daram hta KIA Dap Ba (8) Daju HQ Loi Yang Bum hpe myen asuya dap ni MiG-29 Jet Fighter Nbungli hte (5) lang gawai nna wa htim gap, dai hpang myen hpyen lagaw lam dap ni hpyen man (3) hku nna bai htim lung wa ai kaw shanhte shada shut nna laja lana gap hkat ai kaw si hkala law mat, hkala masha ni hpe Modo (4) hte Loi Yang Bum lagaw de htaw sa da ai lam na chye lu ai.

Bai 4:00pm ten daram hta tinang KIA Dap Ba (8), Dap Dung (26)
ginra, Se Zin, Woi Kang ginwang daw Rung hpe mying n'chye shi ai myen hpyen ni wa htim gap, Jet Nbungli (1) hte mung wa gap garum ai lam na chye lu ai.

Bai, 4:40pm ten daram hta mung tinang Dap Ba (8) daju HQ hpe Mi-35 jigrawngt nbungli "helicopter" (2) hte bai wa htim gap ai hta lagaw lam dap ni Map jaw shut nna nbungli bawm hte pala ni shanhte masha ni kaw wa hkrat bun ai majaw ram ram machyi hkrum mat ai lam na chye lu ai.

KIA Dap Ba (8) Majan Laja Lana Matut Byin Nga

16/ 11/ 2015 ya shani ting tinang KIA Dap Ba (8) HQ daju makau grupyin hte Dung (35) ginra hta laja lana gasat poi byin tim tinang Dap Ba daju hpe tinang KIA Myu Tsaw ni ja ja lu makawp maga da lu ai gaw Karai Kasang a chyeju san san rai sai. 

Dai ni na majan myen dap Jet Fighter Nbungli hte wa gap ai hta nbungli bawm nkau gaw shanhte myen dap ni nga ai maga wa hkrat nna grai nyam kyek jahtau jawng nga ma ai lam na chye lu ai. 

Shana nsin rim rim rai wa hkra nbungli hte gasat nga ai rai nna 5:30pm daram hta nbungli bawm langai Mho Nhyin Dakkasu Jawng makau kaw wa hkrat kapaw ai majaw jawng wang na jawng ma ni hte magam gun ni myo kata de hprawng shajang mat sai lam. Dakkasu jawng hte Mile (7) daram tsan ai kaw KIA MHH post langai nga ai majaw dai hpe gap masu nna jawng makau de gap shalai dat na masa nga ai lam buga masha ni tsun.

KIA Dap Ba (8) Majan Shiga, Myen Ni Nbungli Hte Wa Gap

1920989_531569903623283_1228009767_o.jpg16/ 11/ 2015 ya hta KIA Dap Ba (8) HQ hte Dung (35) hpe 12:20pm kaw nna myen ni Jet N'bungli (2) hte lahkawng lang dabat nna wa gap ai, ya ya nbungli (4) hte bai rawt hkyen nga sai shiga na chye lu ai. Kyu ja ja hpyi ya ga.

Mani 15/ 11/ 2015 ya na Dap Ba (8) Dung (35) majan hta myen dap maga na Myen Du Jum (1), 2kap Du (1) hte hpyen ma marai (30) jan si nna hkala nba law ai lam na chye lu ai. 

Myen Asuya A Zai ladat Ningnan

10361040_975180442506943_803204040208934974_n.jpgMyen Asuya Dap gaw ya yang na mung masa mayak manghkang lam hpe hparan lu na matu NLD Party hpe Ra Lata Poi dang kau shangun nna Sinna Dan Mungdan ni hpang de machyu mat nhtawm Miwa hpe shingdu tawn kau na matu masing rai na re ngu mu mada lu ai. Hpa majaw nga yang Myanmar mungdan hta Miwa Asuya gaw lam shagu hta ka-up sha wa nga ai, Mungdan ting Miwa a mayam tai wa nga ai sha n'ga, Miwa Asuya gaw Myanmar Mungdan kata hpyen masa, mung masa, Sut masa lam ma hkra hta shang chyinglau nga ai hpe Myen ningbaw nkau gaw grai n'ra nga ma ai. Dai majaw, "Awng San Kaw Gumsan Magam n'tai jang rai sai" nga nna NLD hpe Ra Lata Poi dang kau shangun nna Sinna Mungdan ni a garum ningtum ni hpe la sa wa let sinna Dan de machyu mat wa nna Miwa hpe shingdu tawn kau na masing rai nga ai ngu mu mada lu ai.

SSA/SSPP Ginjaw Wan Hai Hpe Myen Asuya Dap MI-35 Nbungli (3) Hte Laja Lana Htim Gasat

11017008_1633848080172353_7163420842279268506_n.jpgRa Lata poi ngut ai hte dai ni 10/ 11/ 2015 ya shani SSP/SSA ginjaw Wan Hai hpe Myen Asuya Dap gaw hpyen gasat nbungli MI-35 Helicopter (3) hte laja lana htim gasat nga ai lam. Wan Hai ginjaw dap kata hte mare kata, shara shagu myen dap nbungli hte gap ai majaw dum nta ni hten za mat ai lam shiga na chye lu ai.

Bai, TNLA Balawng Dap ni hpe mung 9/ 11/ 2015 ya shani kaw na n'gun kaba hte laja lana htim gasat nga ai lam shiga na chye lu ai. 

Myen asuya dap gaw Ra Lata Poi ngut ai hte majan kaba ni hpe matut manoi waw hpang nga sai hku re, KIO ginjaw ginra de mung tsaw dik ai madang hku nna hkyen shajin let maja ra na re ngu mu mada lu ai. Hpa majaw nga yang, ya hkyak hkyak asuya tai nga ai USDP gaw ra lata poi hta teng sha sum na masa pru taw nga sai, dai majaw tak da ai hte maren NCA Ta Masat n'ka ai rawt malan hpyen hpung ni hpe langai hpang langai htim gasat wa na masa nga ai, majan grai laja wa nna "Mung masa n'ngwi n'pyaw ai majaw Asuya Nnan hpe "Arna" rai n'lu ap shi ai," nga jahpai tsun wa na hpe tsang ra nga ai.

Federal Hte Wunpawng

Federal Ninggam hpe shawng lahkam nna Awm Dawm Shanglawt de bai lahkam sa wa na ngu ai lam gaw NLD Party Asuya tai wa yang gaw 70% mai byin ai, mi na "Pyi Khaing Phyo" ျပည္ခိုင္ျဖိဳး Party sha bai dang jang gaw myit mada lam nnga ai. Ra lata poi sum wa na zawn rai jang myen gaw mang hkang bai shabyin dat na chyalu re. NLD Party mung "Awng San Kaw" naw nga ai majaw sha grang nga ma ai. Tinang KIA Hpyen Dap n'gun kaba mat jang gaw 60% mai byin wa na re, KIA hpyen dap mung lam shagu hta Reform naw galaw ra ai, mung shawa kaja wa tsaw ra ai, myit dun ai, hpyen dap rai wa ra ai. Dai sha n'rai yang gaw hpyen n'gun law wa na yak nga ai.

Ap Nawng Ga, Arang Bang Ga, Tim.....Hpung Hkum Shabra

12202071_412440745596106_326315701_n.jpgNon-Kachin, hte Tara Maigan ni hpe Sasana galaw na rai hkum myit dam shi, tinang Wunpawng Amyu shada pyi sasana grai naw galaw ra nga ai....... Miwa Gumsan Mungdan, Sak Hkung Mung Daw hta mung anhte sai daw sai chyen Nat Jaw ni hpring tup naw nga nga ma ai.........Kade a lit rai ta.....? Nang kaja wa grai chye sai, grai sharin da sai rai yang n'kam n'sham shi ai ni kaw mahtang sasana sa u, kam sham ai ni hkrai majaw ai wuhpawng uhpawng de hkum sa hkaw, hpung hkum sa shabra, hkaw mayu yang n'kam n'sham shi ai ni nga ai wuhpung uhpawng de sa hkaw ga.....Arang bang ga, apnawng ga.......

KIA Masat (35) Dap Dung Kaw Gasat Poi Byin

10277409_618086351617991_4456362550895057829_n.jpg29/ 10/ 2015 ya shana de 5:50pm ten daram hta KIA Masat (8) Dap Ba, Masat (35) Dap Dung ginra, Tayen Ja Maw kaw shang chyinglau hkawm ai myen hpyen hpung ni hte tinang KIA Dung (35) na myu tsaw hpyen hpung ni gasat poi byin ai lam shiga na chye lu ai. Ndai gasat poi hta myen dap maga na marai (3) si nna (4) ram hkala ai lam buga sha ni kawn na chye lu ai. 

KIA Dap Dung (1) Ginra Kaw Gasat Poi Byin

10475225_1559389114325756_3045406294954045502_n.jpg27/ 10/ 2015 ya shani 4:40pm ten daram hta KIA Masat (3) Dap Ba, Masat (1) Dap Dung ginra Hkamawng Hka Mazup mayan de Myen hpyen ni shamu shamawt shang wa ai majaw tinang KIA hpyen hpung ni hte hkrum matut nna gasat poi byin ai lam shiga na chye lu ai. Gasat poi  hta myen hpyen dap maga na si hkala lam nga ai rai tem tup hkrak n'chye lu shi ai. 

29/ 10/ 2015 Ya Shani Na Majan Shiga

12109039_884336028329218_3837671686326921516_n.jpg29/ 10/ 2015 ya shani KIA Masat (9) Dap Dung ginra, "Kawng Ngu Daw" ja maw sa lam kaw tinang KIA hpyen hpung ni hte mying n'chye shi ai myen hpyen hpung ni 9:15am ten daram hta ang katut gasat poi byin ai lam shiga na cye lu ai.

Bai, 10:30am ten daram hta KIA Dap Dung (8) ginra, Namhpaka makau "Na Mun" ngu ai shara kaw mying n'chye shi ai myen hpyen hpung hte tinang KIA hpyen hpung ni ap katut gasat poi byi ai hta myen dap ni Namhpaka mare (123) myen dap kaw nna sinat kaba gap garum ys ai lam shiga na chye lu ai.

 

KIA Dung (9) Hta Majan Matut Manoi Naw Byin Nga

11751769_113964215613416_2844891884489546107_n.jpg27/ 10/ 2015 ya shani KIA Masat (4) Dap Ba, Masat (9) Dap Dung ginra, Huhpyet makau Na Dik ngu ai shara kaw mying n'chye shi ai Myen hpyen dap hpyen hpung ni hte tinang KIA hpyen hpung ni laja lana gasat poi byin nga ai lam shiga na chye lau ai. Lahkawng maga si hkala shiga tup hkrak rai n'chye shi ai.

KIA Dap Dung (9) Ginra Kaw Gasat Poi Matut Byin

26/ 10/ 2015 ya shani KIA Masat (4) Dap Ba, Masat (9) Dap Dung ginra, Huhpyet makau Ting Kaw Pa kaw mying n'chye shi ai myen hpyen hpung ni hte tinang KIA Dung (9) ni manap 9:20am kaw na ya shiga ka nga ai ten du hkra gasat poi byin nga ma ai lam na chye lu ai. Myen dap ni tinang KIA hpyen hpung ni hpe Ting Kaw Bum kaw na sinat kaba gap bun nga ma ai lam na chye lu ai.

Matsat Shabat Myen Hpyen Zai Ladat

10294305_503627556403488_6177065434603013292_n.jpg

Myen Asuya dap ni ndai laman Jinghpaw Mung hte Kachin Sub-State maga de hpyen n-gun laja lana htu lung nga ai lam gaw;

(1) Ra Lata Poi shim lam hpe jahpai nna Jinghpaw Mung hte Kachin Sub- State maga de asim asan hte hpyen n-gun htaw sa lahka tawn na.

(2) Lam lapran kaw KIA hte TNLA ni hkap kapaw, dingbai dingna jaw jang ma ja n-gun kaba hte KIA hte TNLA ni hpe htim gasat nna Ra Lata Poi jahkring kau na. KIA hte TNLA ni hpe "Ra Lata Poi jahten ai ni re" ngu nna mara shagun let mungkan de ndau shabra na,

(3) KIA hte TNLA ni lam lapran kaw hpa n'hkap galaw, dingbai dingna n'jaw jang asim asa hte hpyen n-gun htaw sa lahka tawn nna Ra Lata Poi ngut ai hte rau KIA hte TNLA ni hpe ma ja N-gun La Ba hte htim gasat na......

Masing langai n'rai yang langai awng dang hkra, "Kalang kahtam yang lahkawng lang di" nga ga malai hpa, masing lahkawng yen awng dang na matu galaw ai hpyen zai ladat rai nga ai.

Myen Hpyen N-gun Kaba Jinghpaw Mung De Bai Du

10384592_692412950854861_4479776800566564551_n.jpg22/ 10/ 2015 ya shani KIA Masat (2) Dap Ba, Masat (11) Dap Dung hte Masat (8) Dap Ba ginra, Mung Nya "Mho Nhyin" maga hku nna Myitkyina lam de lawu Myen Mung de na Myen hpyenla htaw ai hpyen Modo (70) ram gaw Mho Nhyin kaw hpyenla jahkrat da nna Modo kaman machyu pala ni sha htaw rai Myitkyina de lai mat wa sai lam shiga na chye lu ai, shana de 5:30pm daram hta Mayan hku lai mat wa sai lam shiga matut na chye lu ai. Myen hpyenla yawng n-gun (1000) jan na masa nga ai lam buga masha ni shana wa ai kawn na chye lu ai.

KIA ni jan jan, Wunpawng sha ni jin jin rai nga saga.......

KIA Dap Dung (9) Ginra Kaw Majan Matut Byin Nga

1625623_705884292890752_1402394528681386548_n.jpgDai hpawt 22/ 10/ 2015 ya jahpawt 7:30am ten daram hta Kachin Sub-state KIA Masat (4) Dap Ba, Dap Dung (9) ginra, Huhpyet makau, Man Bang Pa kaw mani gap hkat ai kaw hkala ai myen machyi masha ni hpe hpai pru wa ai hpe tinang KIA hpyen hpung ni bai hkap gap ai kaw na laja lana gasat poi byin ai lam na chye lu ai.

8:40am ten daram kaw nna mani gasat poi byin nna Nbungli hte wa gap ai shara Huhpyet makau "Mang Hang Bum" (Wa Yaw Bum) ntsa kaw myen asuya dap ni hte tinang KIA Zai Ladat hpyen hpung ni laja lana gasat hkat nga sai lam shiga na chye lu ai. 

 

Dai ni 22/ 10/ 2015 ya shana de 2:10pm hta KIA Dap Dung (9) ginra, Huhpyet makau Nang Hkam Bum "Wa Yaw Bum" kaw myen asuya dap Tat.M-(99) npu na hpyen hpung ni hte tinang KIA hpyen hpung ni gasat poi matut byin ai lam na chye lu ai. 21/ 10/ 2015 ya shani myen dap ni sum machyi grai law mat ai majaw ya ten myen dap ni KIA Dung (9) majan byin ai shara de hpyen n-gun matut manoi jat nga ma ai lam na chye lu ai. Majan grau grau laja wa na masa nga ai. 

KIA Dap Dung (2) Ginra Kaw Myen Hte MNDAA Dap Ni Gasat Poi Byin

11041804_1601216456779869_4075138668262228464_n.jpg20/ 10/ 2015 ya shani 2:50pm ten daram hta KIA Masat (4) Dap Ba,Masat (2) Dap Dung ginra, Kung Ga hte Man Lau lapran kaw Jinghku Rawt Malan hpyen hpung MNDAA "Kogang" Dap ni hte myen hpyen hpung ni gasat poi byin ai lam na chye lu ai.

Theme: Fresh Print by BlogBaker. Powered by BlogBaker.