Posts categorized as "myutsawkasa.blogbaker.com"

K.I.A Dap Dung (2) Ginra Hta K.I.A Dung (9) Ni Tai Hpyen Myen Bawng (2) Lu Rim La

DSCF7180.JPGSep 30, 2014 ya shani hta lahta Sam Mung K.I.A Masat (4) Dap Ba npu Dap Dung (2) ginra, Hu Hpyet hte Ja Chyai Yang mare lapran Man Mawk mare dingsa kaw Myen dap Hk.L.Y-(290) dap ni n-gun (100) jan wa du nga ai hta Myen hpyenla Lat Gyi "Kyaw Min Naing" hte Lat Gyi "Khin Maung Nyun" yen gaw Hu Bang mare de ayat hking bu hpun kau nna Ka-ni sa tam lu ai kaw tinang KIA dap Dap Dung (9) ni hkap lu rim la ai lam shiga na chye lu ai.

Ndai myen hpyen hpung hpe myen dap dap dung Up "Taik Yin Mho" Dho Bho Mho Gyi  "Win Ko"  ngu ai wa woi awn ai hpyen hpung re lam mung KIA shiga lawk kawn na chye lu ai.

Myen Dap Ni Mung Masha Cycle La (2) Hpe Gumhpraw Hpyi Nna Adup Zingri

1897702_228263397360836_1398780788_n.jpgSep 30, 2014 ya shani Laiza kaw nna Nam San Yang de Cycle Carry galaw sha ai mung masha Naw Grawng hte Hla Sou ngu ai yen hpe Hpa Nyeng hka kaw myen dap ni gumhpraw hkap hpyi ai majaw dai cycle la yen gaw gumhpraw nlu ai ngu nna bai nhtang mat wa ai kaw hkan jahkring nna adup zingri ai hte sinant kadun hte baw kaw mung adup ya rai nna Cycle mung la kau ya rai masha hpe gaw bai dat dat ai lam shiga na chye lu ai. 

Ya na zawn Jinghpaw mung kata shara shagu hta Myen asuya dap ni gaw mung masha lai wa lai sa ni hpe jahkring hkring jahkrit shama, guhpraw hpyi, njaw jang jahkrit mya la re ai lam ni hpe matut manoi galaw nga ai lam na chye lu ai.

Jinghpaw Mung Kata Myen Dap Ni Grau Grau Shamu Shamawt Wa

10363546_577488419034184_441102296445493216_n.jpg

K.I.A Dap Dung (36) Ginra Ying La Kaw Myen Hte KIA Gasat Poi Byin

10589891_451532444988669_448011672_n.jpgSep 28, 2014 ya shani 12:30pm ten ram hta lahta Sam Mung K.I.A Masat (4) Dap Ba npu Dap Dung (36) ginra Ying La ntsa na Lung Ja Bum kaw mying nchye shi ai Myen dap hpyen hpung langai hte tinang KIA Dap Dung (36) na 2 I/C woi awn ai hpung ni ang katut gasat poi laja lana byin ai lam shiga na chye lu ai.

Ndai gasat poi hta tinang KIA maga na hpa nra ai lam mung matut na chye lu ai, Myen dap maga na gaw hkala nba lam nga ai rai tim tup hkrak nchye lu shi ai lam KIA shiga lawk kawn na chye lu ai.

Myen Hpyen Shamu Shamat Shiga

10308931_778769482136166_8792581323430846446_n.jpg

KIA Dap Dung (15) Kaw Myen Hte KIA Dap Ni Sinant Kaba Ni Hte Shada Gap Sharu Bun Hkat

379586_393050950788200_1674213100_n.jpg

Sep 26, 2014 ya shani 10:00am ten ram hta K.I.A Masat (3) Dap Ba npu Dap Dung (15) ginra Dum Bau Bum kaw nga ai Myen tai hpyen dap Hk.L.Y-(237) ni shinggan pru hkawm ai kaw tinang KIA ni hkam tawn da ai bawm (1) sa kapaw la nna hkala nba hte shanhte dap de bai nhtang wa ai hpang tinang KIA dap ni nga ai maga de AA-Gun jak sinant kaji ni hte gap sharu bun ai majaw tinang KIA maga na ni mung bai nhtang gap dat ai hpang Loi Ying maga de na Myen dap ni mung tinang KIA ni nga ai maga de sinant kaba ni hte nsim nsa bai hte gap sharu bun ai lam shiga na chye lu ai.

Ya na zawn byin ai lam gaw Myen dap ni hte tinang K.I.A dap ni nau kahtep hkat ai majaw byin ai re lam KIA shiga lawk kawn na chye lu ai. Ndai gasat poi hta lahkawng maga na si hkala shiga tup hkrak nchye lu shi ai.

K.I.A Dap Dung (6) Na MHH Magam Gun (1) Myen Balik Ni Rim Mat

10460678_640635669362368_6502035210920162121_n.jpgSep 21, 2014 ya shani 4:00pm ten ram hta Hpakant ginwang K.I.A Masat (2) Dap Ba npu Dap Dung (6) ginra Lawng Hkang Lawk (3) hta shanu nga ai tinang KIA MHH magam gun Rakhaing amyu sha Kyaw Htun hpe shi nta kaw nga nga yang Lawng Hkang Myen Balik ni sa wang rim mat wa sai lam shiga na chye lu ai.

Myen asuya dap ni gaw ya yang gap hkat jahkring hte simsa lam bawng ban nga ai ten hta rai tim KIO/KIA magam gun ni hpe mu ai shara kaw ja ja rim ahkyak la sa wa sana re lam Mungdan ting na Myen asuya magam dap ni de Naypyidaw ginjaw kawn matsun dat sai re lam na chye lu ai.

K.I.A Dap Dung (9) Ginra Hu Hpyet Kawng Leng Kaw Gasat Poi Byin, Myen Si Hkala Lam Nga

10154149_597434837019340_1456148223_n.jpgSep 6, 2014 ya shani 12:20pm ten ram hta lahta Sam Mung K.I.A Masat (4) Dap Ba npu Dap Dung (9) ginra Hu Hpyet Kawng Leng kaw Myen asuya dap Hk.M.Y-(323) dap ni hte tinang K.I.A Dung (9) na MHH ni hte laja lana gasat poi byin ai lam shiga na chye lu ai.

Ndai gasat poi hta lahkawng maga na si hkala shiga hpe tup hkrak nchye lu shi tim Buga masha ni tsun yang myen ni ram ram hkala jawng ai lam shiga na chye lu ai.

K.I.A Dap Dung (27) Ni Myen Hpyen Ni Hpe Bawm Hte Hkap Gasat, Myen Si Hkala Lam Law

10151275_641055779281829_6599507718942049004_n.jpg

Laiza Makau KIA Dap Dung (24) Ginra Kaw Myen Dap Ni Sinant Kaji Kaba Ni Hte Hpyen Shaman Shakyang Nga

10378278_635350246558268_7647025665188768844_n.jpgSep 6, 2014 ya shani 8:00am ten ram hta Laiza Makau KIA Masat (5) Dap Ba npu Dap Dung (24) ginra Hka La hte Ding Ga lapran na Hpun Du Sun kaw nga ai Myen asuya dap ni sinant kaji kaba gap shakyang nga ai lam shiga na chye lu ai.

Uru Seng Maw Hpakant Maw Ginra Na Ka-ni Nang Hpam Hpaga La Kaba Hpe Maw Wan Buga Pan Jasan Hpung Ni Rim Kau

D-Day Logo.jpg

Hpakant Mana Mare Na Mung Masha La Marai (80) Hpe Myen Dap Ni Rim Mat Wa

10437325_661074573972745_8313405437688159238_n.jpg

TENG MAN AI LAM KANANG TA?

10153966_268408490004973_1125228913275855283_n.jpgThere Is No Place For The Truth Today. 
Teng Man Ai Lam A Matu Shinggyim Wuhpawng Hta Shara Nnga Sai.

Teng Man Ai Lam Tsun Yang Nawku Hpung Woi Sara Shada Pi Sahkrip Hkat, Nju Hkat Wa Ai Prat.. 

Masha Shada N-gup Ga Hte Tsun Hkat Ai Hpe Sha Mara Rim Hkat, Jeyang Hkat Ai Lam, Mara N'raw Ya Lu Ai Lam Gaw Karai A Magam Amu Hta Tsap Na Matu N-ging Dan Nga Sai, Yu Maya Hpung Masha Langai A Madang Ram Pyi Nrai Mat Sai. Dai Wa Gaw Yesu Hpang Hkan Kaja Nan Nrai Nga Ai, Sagu Rem Langai Ngu Tsun Na Nmai Nga Ai.

Ma Kaji Ni Nta Ndaw Hkan Ginsup Chyai Let Tsun Ai Ga zawn "Nang Pyi Ngai Hpe Dai Hku Tsun Ai, Ngai Hpe Dan Ngu Ai, Shing Ngu Ai" nga nna Hpung Woi Sara Hte Hpung Tau Ni Shada Da Mara Rim, Jeyang Hkat Ai Lam Gaw Gaya Kahpa Lam Rai Taw Nga Sai....Hpung Woi Sara, Hpung Tau Tsang Hta Tsap Na Pyi N'ging Dan Nga Sai....

Yesu Tsun Ai Ga "Ngai Bai Yu Wa Ai Ten Hta Kam Sham Ai Masha Gaw Naw Nga Nga na Kun?" Ngu Ai Ga Gaw Dai Ni Na Hkristan Nawku Hpung Ni Hta Dik Wa Nga Sai Law....... Hkristu A Hkum Hkrang Gaw Nawku Hpung A Shinggan De Du Taw Nga Sai law......

TENG MAN AI LAM KANANG TA?

K.I.O Ginjaw Laiza Padang Gawknu Hta K.I.O Asuya Kaw Nna Ya Yang Na Mung Masa Sanglang Hpawng Galaw

10309025_1385551481732779_1389547798455750598_n.jpgDai ni Sep 3, 2014 ya shani hta KIO ginjaw Laiza Padang Gawknu hta jahpawt daw 7:00am ten ram kaw nna 10:40am ten ram du hkra ya yang na Myen asuya hte bawngban nga ai Mung masa lam, gap hkat jahkring lam hte Simsa lam yan ni hpe sang lang hpawng galaw ai lam shiga na chye lu ai. Ndai Mung masa sanglang hpawng hta Laiza Buga Laiza Muklum na mung mare masha ni hte rau KIO/KIA Magam Dap, Makan Dap shagu na Hpa-awn ni yawng marai (600) daram sa du madat hkam la ai lam na chye lu ai.

Ndai Zuphpawng hta KIA Dap Awn Daju Du Kaba Sumlut Gun Maw kaw nna ya yang Myen hte matut manoi galaw nga ai gap hkat jahkring lam, Mung masa lam hte Simsa lam ya ni hpe azin ayang sanglang ai dan mat wa ai lam na chye lu ai. 

Du Kaba Gun Maw Tsun ai hta Myen asuya hte Myen Mung rawt malan hpung ni a "Nationwide Ceasefire" gap hkat jahkring bawngban lam hte seng nna Lawng Lam Kaba (7) nga ai hta Lawng Lam kaba (1) hpe sha naw bawng ban jahkrup myit hkrum da ai re lam, kaga ngam ai Lawng Lam kaba (6) gaw naw bawng ban sa wa ra ai lam, aten grai naw la ra na re lam, gap hkat jahkring lam ya jang rai nmai byin shi ai lam, Grai naw bawng ban la ra ai lam, Mung masa hkam dahka nnga ai sha gap hkat jahkring ta masat ka na nre lam, Mung masha ni mung KIO hpe kam nga na lam, myit naw galu hkam sharang ra ai lam, kyu hpyi garum ai hte lam shagu hta hpaji jaw garum shaingtau shang lawm ra ai lam ni hpe tsun shana mat wa ai lam shiga na chye lu ai.

KIA Dap Dung (29) Ginra Kaw Ku Gang MNDAA Hte Myen Dap Ni Gasat Poi Byin

Publication002.jpg

Lahta Sam Mung Mung Gu Myen Dap Byoha Mho Kawn Mung Mare Masaha Ni Hte Zuphpawng Galaw

10461746_684451194968416_1264273239969536845_n.jpg

Sep 1, 2014 ya shani 12:00Pm ten kaw na 2:00Pm ten du hkra lahta Sam Mung KIA Masat (4) Dap Ba npu Dap Dung (36) ginra Mung Gu kaw Myen asuya dap Byoha Mho wa kawn Mung mare masha ni hte zuphpawng galaw ai hta Ka-ni nang Hpam Pat jasan mat wa na hte Mung masa lam mung grau grau sim sa wa sana re ngu hkaw tsun ai lam shiga na chye lu ai.

Theme: Fresh Print by BlogBaker. Powered by BlogBaker.