KIA Dung (27) Ni Du Hku Kaw Padang Dip La Lu

24/ 3/ 2015 ya shani 8:00am kaw nna 3:00pm ten du hkra KIA Dap Dung (27) ginra Man Je Kai Htik sa lam, Du Hku kaw tinang KIA Dung (27) ni hte Myen dap Tat.M-(88) npu na Hk.L.Y-(10+83), Hk.M.Y-(317+415) pawng hpawm hpyen hpung ni laja lana gasat poi byin ai lam shiga na chye lu ai.

Ndai gasat poi hta Myen dap maga na arum ara rai si hkala tarai jawn mat nna bai htingnut mat wa, myen dap ni kaw na (I) Ngajinmi jak sinat pala (500) jan, (II) RPG Bazooka si (8), (III) 60mm sinat kaba pala si (7), (IV) 81mm sinat kaba pala si (1), (V) Du Jum ja kap ai palawng (1) ni hpe tinang KIA ni padang dip la lu ai lam shiga na chye lu ai.

Myen Dap ni nau sum machyi mat ai majaw 1:10pm ten daram kaw nna Du Hku hte Mahtek grupyin de myen dap Jet Fighter (2) hte numdaw (3) lang bawm wa jahkat, wa gap garum ai lam shiga na chye lu ai.

KIA Dap Dung (1) Ginra, Madang Yang Kaw Gasat Poi Byin

24/ 3/ 2015 ya shani 11:30am ten daram hta Man Maw ginwang Man Je lahta Madang Yang makau Law Gung hkaraw kaw Man Je de na lung wa ai myen dap hpyen garum ni hpe tinang KIA Dap Dung (1) ni Bawm hkrawn hkap adem sharu bun ai kaw nna gasat poi laja lana byin ai lam shiga na chye lu ai. Gasat poi byin ai ten Kai Htik maga de na myen dap ni 120mm sinat kaba ni hte Madan Yang maga de gap sharu bun ai lam na chye lu ai.

Ndai gasat poi hta myen dap maga na yawm htum marai (15) ram si nna hkala lam nchye lu shi ai.

KIA Dap Dung (12) Ginra, Mung Ding Pa Makau Kaw Gasat

24/ 3/ 2015 ya shani 1:00pm ten daram hta Man Maw, Man Je Ninghtawn, Mung Ding Pa makau kaw tinang KIA hpyen hpung ni hte myen dap Hk.L.Y-(86+142) Dap Up "Taik Yin Mho" woi awng ai pawng hpawm hpyen hpung ni hte gasat poi laja lana byin ai lam shiga na chye lu ai.

Mung Ding Pa mare de Myen dap ni shang mat, Kawng Ja maga de Hk.L.Y-(86) na Taik Yin Mho woi awn hpung hte Hk.L.Y-(236) hpyen hpung ni du shang mat, Gawng Run maga de Hk.L.Y-(236) Tak Yin Mo woi awn hpung ni hte Hk.L.Y-(142) Dho Yin Mho woi awn pawng hpawm hpyen hpung ni du shang bang mat sai lam shiga na chye lu ai.

KIA Dap Dung (9), Bang Kawng Kaw Gasat Poi Byin

24/ 3/ 2015 ya shani 10:00am-11:00am laman ten hta lahta Sam Mung KIA Masat (4) Dap Ba npu, Dap Dung (9) ginra Kung (2) ni Headquarter shara jahkrat da ai Bang Kawng de Hk.L.Y-(123) hpyen hpung htim lung wa ai majaw laja lan gasat poi byin ai lam shiga na chye lu ai. Gasat Poi hta myen si mang (2) hpe mu, marai (6) ram hkala ai nga shiga na chye lu ai.

Ya Yang Na Kogang Majan Shiga

Myen ni gaw March shata 27 ya shani hpang jahtum hku nna Kokang kaw laja lana gadat na matu, 22 / 3 / 2015 ya shana Laogai kaw Hpyen modo 200 du shang wa ai nga shiga na lu ai. N-gun 4000 grup yin rai na re lam chye lu ai ai. Ya shiga ka nga ai 23 / 3 / 2015 - 10:00 am aten du hkra, Chin Shui Hoq hte Par Sin Jaw lapran na Lung Htang Ku ngu ai bum kaw laja lana gasat hkat nga ai lam mung matut nna chye lu ai. Si hkala ai lam hpe n chye lu shi ai.

Myen Dap "Bho Gyi" (1) Bai Nyawp Rap

Mani 22/ 3/ 2015 ya shani Kai Htik lawu (29) Miles Myen dap kaw tinang KIA Dung (1) ni sinat kaba sa gap bang ai kaw KIA ni a sinat kaba si a majaw Myen Du Jum "Bho Gyi" langai kalang lata nyawp rap si mat ai lam KIA shawng lam de na shiga na chye lu ai.

KIA Dap Dung (27) Ginra "Mahtek" Mare Kaw Laja Lana Gasat,Myen Dap Hk.M.Y-(317) Dap Up (Taik Yin Mho) San Yu Win Si Mat, Myen Dap Jet Nbungli (2) Hte Wa Gap.

22/ 3/ 2015 ya jahpawt daw 7:40am ten daram kaw nna KIA Masat (3) Dap Ba npu Dap Dung (27) ginra, Kai Htik lawu, Man Je Ninghtawn "Mahtek" kaw du nga ai Myen dap Hk.M.Y-(317) hpyen hpung ni hte tinang KIA Dap Dung (27) ni gasat poi laja lana byin ai lam na chye lu ai. Gasat poi hta myen dap maga na sum machyi si hkala lam grai law mat ai lam, Hk.M.Y-(317) na Dap Up (Taik Yin Mho) Dho Bho Mho Gyi "San Yu Win" KIA pala hte hkrat sum mat ai majaw myen dap ni pawt nna 3:20pm ten daram hta Jet Fighter nbungli (2) hte wa gap garum ai lam na chye lu ai, Nbungli Bawm kaba CS/BBF1 lawm (20) lang wa jahkat bun ai re lam na chye lu ai.

Bai, 4:30pm ten hta Manmaw nbungli pa kaw nna Jet Fighter (2) kalang bai rawt nna 4:42pm ten hta tinang KIA hpyen hpung ni nga ai maga Mahtek grupyin de numdaw mi bai wa gap ai lam shiga matut na chye lu ai. Ya yang majan byin ai shara Mahtek maga de Myen asuya dap ni hpyen n-gun kaba hte matut manoi n-gun jat nga ai majaw majan gaw grau grau laja wa na masa nga ai lam shiga na chye lu ai. Nbungli kaba hte numdaw (2) lang wa gap ai rai tim tinang KIA ni Karai Kasang Chyeju hte hpa nra ai lam matut na chye lu ai.

Myen dap ni a Nbungli Bawm kaba wa hkrat bun ai majaw Hpun Modo kaba (4) mung ayai aya rai gamang mat ai lam shiga na chye lu ai.

21-22/ 3/ 2015 Laman Na TNLA Hte Myen Dap Majan Shiga Ni

21/ 3/ 2015 ya shani lahta Sam Mung KIA Dap Dung (9) ginra, Mung Baw Hka mahkrai sin ai Myen balik marai (3) hpe TNLA dap ni sa rim mat wa ai lam shiga na chye lu ai.

22/ 3/ 2015 ya shani 8:30am ten kaw nna 9:30am ten du hkra KIA Dap Dung (9) ginra, Hu Mung a sinpraw maga na "Sa Maw" hte "Man Ping" lapran kaw mying nchye ai myen tai hpyen hpung ni hte TNLA dap (257) ni laja lana gasat poi byin ai lam shiga na chye lu ai.

22/ 3/ 2015 ya shani 11:00am ten daram hta KIA Dap Dung (9) ginra, Kawng Wai mare baw kaw myen dap Tat.M-(88) npu na hpyen hpung ni hpe TNLA dap ni bawm (1) hkap adem bun ai kaw na gasat poi byin ai lam shiga na chye lu ai.

Ndai gasat poi (3) hta Myen dap maga na yawm htum marai (20) ram si hkala hkrum mat ai lam shiga na chye lu ai.

Myen Dap Ni KIA Dung (1) Lung Ja Kawng Post De Sinant Kaba Gap Bun

22/ 3/ 2015 ya shani 3:00pm ten daram hta KIA Masat (3) Dap Ba npu, Dap Dung (1) ginra Man Je, "Maw Raq Wati" Gawkngu Kawng kaw nna Myen dap ni 81mm sinat kaba ni hte tinang KIA dap ni nga ai Lung Ja kawng Post maga de (5) lang gap bun dat ai lam shiga na chye lu ai. Tinang maga na hpa nra ai lam matut na chye lu ai.

KIA Dap Dung (1) Ni Myen Dap De Sinat Kaba Sa Gap Bang

22/ 3/ 2015 ya shani 2:00pm ten daram hta KIA Dap Dung (1) na hpyen hpung ni gaw Manmaw-Kai Htik lam Deng (29) kaw nga ai myen dap de sinat kaba sa gap bang ai lam shiga na chye lu ai. Bai, 3:00pm ten daram hta mung numdaw mi bai sinat kaba sa gap bun ai lam shiga na chye lu ai. Myen dap maga na si hkala shiga nchye lu shi ai.

KIA Dap Dung (36) Ginra, Man Mau Hte Bang Tawng Lapran Kaw Gasat, Myen Si Hkala law

20/ 3/ 2015 ya shani 7:00am. ten daram hta lahta Sam Mung KIA Masat (4) Dap Ba npu, Dap Dung (36) ginra Man Mau hte Bang Tawng lapran kaw shamu shamawt hkawm ai myen asuya dap Tat.M-(77) npu na hpyen hpung ni hte tinang KIA Dung (36+29) ni laja lana gasat poi byin ai lam shiga na chye lu ai. Gasat poi hta Myen dap maga na marai (6) si nna, hkala nba law ai lam na chye lu ai. Tinang KIA maga na mrai (1) hkala ai lam shiga matut na chye lu ai.

Kogang Ginra Laogai Ginwang, Naw Shu Grupyin Kaw Laja Lana Gasat

20/ 3/ 2015 ya shani 12:00pm ten daram hta Kogang ginra Laogai Ginwang, Naw Shu grupyin hta MNDAA dap ni hte Myen tai hpyen Tat.M-(33,66)+D.K.Ts pawng hpawm hpyen hpung ni gasat poi laja lana byin ai hta myen dap ni laja lana bai sum machyi wa ai majaw 1:30pm daram hta Jet Fighter Nbungli (3) hte bai wa gap garum ai lam shiga na chye lu ai.

Majan byin nga ai ten Kogang hte Miwa mung jarit Chin Shwe Haw grupyin Miwa hkran maga de Miwa Asuya dap hpyen nbgunli (5) sa pyen gayin hkawm ai lam shiga na chye lu ai.

Kuthkai Ginwang, Namhpaka Ninghtawn kata Ka-ni Yi EK-(735) Ram Hkyen Jasan Kau Lu

March 5-20, 2015 ya laman lahta Sam Mung Kuthkai Ginwang daw, Bum Pri Bum ginwang, Namhpaka Ninghtawn kata Ka-ni yi galaw nga ai kahtawng (16) na ka-ni yi ni hpe KIA Ginwang Uphkang Du Salang Kaba Labang Nan Daw woi awn nna ka-ni yi EK-(735) grupyin hpe lu hkyen jasan kau ya sai lam shiga na chye lu ai.

Kuthkai, Pan Se Bum Mayan Ka-ni Yi Hkyen Jasan Hkawm Ai Hpung Ni Hpe Myen Dap Ni Hkap Gap

March 15-17, 2015 ya laman hta Kuthkai Ginwang Pan Se Bum mayan de ka-ni yi hkyen hkawm ai mung masha Pat Jasat hpung ni hpe Myen gwi dap Hk.L.Y-(83) hte Pan Se P.T.Ts dap ni sinat hkap gap ai majaw Ka-ni yi EK-(180) daram sha lu hkyen jasan kau lu ai lam shiga na chye lu ai.

KIA Dung (9) Ginra Man Dung "Hu Nam" Kaw Gasat Poi Byin

19/ 3/ 2015 ya shani lahta Sam Mung KIA Dap Dung (9) ni tinang ginra Sinli Bum mayan de Ka-ni sun hkyen hkawm ai hpyen hpung ni hte mying nchye shi ai Myen dap hpyen hpung ni Man Dung, "Hu Nam" kaw 9:40 am. ten daram hta ang katut gasat poi byin ai lam shiga na chye lu ai. Ndai gasat poi hta lahkawng maga na si hkala shiga rai nchye lu shi ai.

19/ 3/ 2015 Ya Kogang Majan Shiga Hte Hpyen Masa Lam

19/ 3/ 2015 ya shani Kogang ginra Chin Shwe Haw a sinpraw-dingda "Hkaw Htang Shan" Bum mayan hta jahpawt daw 10:00 am. ten kaw na MNDAA dap ni hte myen dap ni gasat poi laja lana byin ai lam shiga na chye lu ai. gasat poi gaw shana de daw 3:00 pm daram hta zim mat sai rai tim myen dap ni Kogang dap ni nga ai maga de sinat kaba ni matut manoi naw gap sharu bun nga ai lam shiga na chye lu ai. Dai ni na majan lahkawng maga na si hkala shiga rai nchye lu shi ai.

Ya yang Kogang kaw bai du nga ai myen dai Tat.M-(66) npu na dap ni hte Tat.M-(33) npu na dap ni gaw malawng maga si ai hte hkala masha grai law wa ai majaw dai ni 19/ 3/ 2015 ya shani lashio de na hpyen la hpring hpring htaw ai hpyen garum ni Modo (20) hte Sinli de lung wa nna Modo (15) n-gun (300) jan gaw Kunlung lam de lai lung mat wa, Kunlung kaw nna Kogang de bai matut na re lam na chye lu ai.

Theme: Fresh Print by BlogBaker. Powered by BlogBaker.