Home
> myutsawkasa.blogbaker.com
> Shwili Zuphpawng A Tsang Hpa Hte Sadi Maja Hpa

Shwili Zuphpawng A Tsang Hpa Hte Sadi Maja Hpa

9.jpg

KIO hte myen asuya ni mani (Feb 4, 2013) ya shani Miwa mungdan kata Shwili mare kaw simsa lam bawngban hpawng bai galaw hpang sai lam na chye lu ai, ndai zuphpawng a laklai ai lam lahkawng gaw: (1) Miwa gunsan asuya rapdaw salang ni sakse hku nna shang lawm ai, (2) Myen ni mawng wu kau hkrum mat sai KNU kayin hpunau laknak lang hpung kaw na Du Kaba Mutu Se Hpu " ni sakse hku nna shang lawm ai lam na chye lu ai. 

Bai, ndai Kayin gaw ya yang Kayin (Karen) mung masha malawng maga nau nra sharawng ai sha KNU ningbaw tai wa ai re nga nna shiga ni grai mawng nga ai re. KNU hpe myen asuya gaw kya ai gumwai ladat hte Ana zing kau sai nga nna mung ya yang tsun kajai nga ai re. Moi lai wa sai (60) jan myen mung munghpawm (pyihtawngsu) nnan gawgap lakmat htu ai shaloi mung Kayin ni gaw Hkaja ai hku nna sha shang lawm ai re da, bai ya Shwili zuphpawng kaw mung hkaja ai hku bai shang lawm nga sai, zuphpawng kaw bai du jang sakse hku nna bai tai mat sai da.

Kayin (karen) nigbaw ni myen  mung "democracy masu"  a matu jai lang hkrum nga sai kun? nga nna mung masa kung ai ni kajai tsun nga masai re. Ndai Karen ningbaw hte Sam Ningbaw ni hpe Awng Min wa saw shaga woi lung wa ai lam gaw Miwa Asuya a man e mung masa ahkaw ahkang la na matu sha re, "Yu ndai ni hte pyi yawng myit hkrum sai, Kachin ni hte sha ra sai" ngu ai masa rai nga ai. Myen a laklai ai mau hpa zai ladat hpe KIO/KIA salang ni atsawm sha mu mada hkawn hkrang let koi gam ra na re ngu mu mada ai. Myen e Wu mawng kau hkrum ai kaga hpunau baw sang salang ni hte ya anhte KIO salang ni hpe bai wu asawng taw nga sai kun? myit yu hpa rai nga ai law.......

 

2 Comments:

wunpawng shadang

Kaga hpunau ni hpe yu ai baw nre,Karai kasang hpa tsun ai ,hpa galaw shangun ma yu ai,dai shye madung rai na re,ka ga ni gaw hpung kyi naw ai makam re,shan hte bung ai,,an hte hte nbung ai,an nau ni hpe jaw da ai lamu ga hpe,an nau ni myen wa a maw lanyet ai kaw hkrat sum ga sai hpe dum ga,dai na shabrai gaw daini du hkra di sha taw nga ra ai re,ya kalang bai ,myen wa maw lanyet ai kaw bai hkrum sha re na kun?Karai kasang gaw ndai lang an nau ni maga tsap nga ai gaw,myen hte arau nga na matu nrai na re,an nau ni hpe lak san kum hpa bai jaw mayu na re ai hpe dum ga,THEIN SEIN wa tsun tim ,Awng Min wa tsun tim myen hpyen dap wa madat ya na nre,shan hte kaw Power nnga ai,nbung sha nga ai,lai wa sai shata hta Awng Min wa,DKBA hte hkrum shaga ai sha loi,shiga dap kaw ndai ma ni ma re ai majaw ,shan hte re ai,muk jaw yang mai ai nga tsun sha ga wa ai hpe mu na lu ai, Hpang kaw shanhte a ka wa,Than Shwe jum da ai re,myen ni bum ga de grai yan lung wa sai majaw,an nau ni lawu de hpyen man shayawn da ra sai hpe dum ga,majan nbaw na,Myen wa hpe nsa gap na ngu ga sa di nmai jaw na re,An nau ni a ga jarit gaw,ga ra kaw na rai nga a ta?Lai za sha re ai i?Dap Ba 4 sha i?Dap Ba,2 sha i?Myen wa gaw dai ga sa di ni ma su maw la na hkyen nga ai hpe dum ga,An nau ni a shara gaw Ga gaing ,daw chyen kaw du hkra re ai hpe asan sha ndau kau ra na re,Dai kaw na lai lung wa ai ga ra dap hpe rai tim ning hkap ga sat kau ra na re,an nau ni a jarit kaw nli wa yang kadai wa hpe mung sa gap na lam nnga ai,lai lung wa nna,shara la da ai hpyen dap ni hpe gaw ,ndawm la yang gaw ga sat ra na re,myen wa hpyen baw let,shara law law madu mat wa sai hpe dum ga,Ginjaw salang nkau mi, myen wa hpe hpa majaw naw ku ma yu ma ai kun?Gap na ahkang mung nkam jaw,ahkyak wa yang ngap na matsun dat dat re nga na lu ga ai,Mai byin yang Myen ni a lak nak gara kaw tawn hpe sa gawn tawn da ga,dai kaw na lak nak hte shan hte hpe bai gap bun re na re,Mina kaw na lak nak gaw majoi jaw na nre ai hpe dum ga,majoi sa sa tawn da ya ai Myen ni a lak nak hpe lu la hkra galaw ai ladat hpe galaw ga,,

lachit lg

Mungkan ning baw madang masat hkrum ai aungsan su kyi mung myen na maw lanyet kaw shang rawng mat nga ai. ya du hkra mung masa dang ai hku na woi awn taw ai w.p myu sha ningbaw ningla ni hpe mung hkungga ai hte arawng la ai. matut na mung grai naw sadi grai naw maja ga. myen-miwa a maw lanyet hta nhkrat mat na matu mung yawng kyu jawm hpyi ga. Grau htum ai Karai Wa galoi mung lam woi ya na gaw anhte awng padang lu na lam a npawt rai nga ai. Mungdan (awmdawng ahkaw ahkang) jaw ya lu ai Karai Kaw galoi mung kam hpa ai hte shakut shaja nga ga.

Leave a Comment:

Theme: Fresh Print by BlogBaker. Powered by BlogBaker.